தமிழ்நாடு

உறை கிணறு

உறை கிணறு

சிவகங்கை மாவட்டம், திருப்புவனம் அருகே உள்ள லாடனேந்தலில் ரயில்வே சுரங்கப் பாதை பணிக்காக பள்ளம் தோண்டியபோது சுமார் 15 அடி ஆழத்தில் பழமையான உறை கிணறு கண்டுபிடிக்கப்பட்டுள்ளது. திருப்புவனம் அருகே கீழடி - பசியாபுரம் இடையே நான்கு வழிச்சாலை அமைக்கும் பணி நடந்து வருகிறது. சாலை பணிக்காக கீழடி அட்டையடி கண்மாயில் பாலம் அமைக்கப்பட்டுள்ளது. இந்த பாலத்தின் அருகே கடந்த அக்டோபர் 06ம் தேதி பழமையான உறை கிணறு கண்டு பிடிக்கப்பட்டுள்ளது.
மாறிய பிளஸ் 2 மதிப்பெண்

மாறிய பிளஸ் 2 மதிப்பெண்

தமிழ்நாட்டில் பதினொன்றாம் வகுப்பு மாணவர்களுக்குப் பொதுத் தேர்வுகள் அறிவித்ததுபோல் நடைபெற்றாலும், உயர்கல்விக்கு 11-ம் வகுப்பு மதிப்பெண்கள் கணக்கில் எடுத்துக்கொள்ளப்படாது என்று மாநிலக் கல்வித்துறை அமைச்சர் செங்கோட்டையன் செப்டம்பர் 15 அன்று தெரிவித்தார். உயர்கல்விக்குப் பன்னிரண்டாம் வகுப்பின் மொத்த மதிப்பெண்களான 600 மதிப்பெண்கள் மட்டுமே கணக்கில் எடுத்துக்கொள்ளப்படும் என்று அவர் தெரிவித்தார். மாணவர்களின் மன அழுத்தத்தைக் குறைப்பதற்காக இந்த நடவடிக்கை எடுக்கப்பட்டிருப்பதாக அவர் தெரிவித்தார்.
ஒடிசா பவன்

ஒடிசா பவன்

ஒடிசா மாநிலத்தில் இருந்து வரும் முதலமைச்சர், அமைச்சர்கள் உள்ளிட்ட முக்கிய பிரமுகர்கள் தங்கும் வகையில் சென்னையில் கட்டப்பட்டுள்ள ஒடிசா பவனை அம்மாநில முதல்வர் நவீன் பட்நாயக் திறந்து வைத்துள்ளார்.
Plastone Block

Plastone Block

பத்மஸ்ரீ விருது பெற்ற பிளாஸ்டிக் தொழில்நுட்பப பேராசிரியர் ராஜகோபாலன் வாசுதேவன் பிளாஸ்டிக் பொருட்கள் மூலம் புதிய பதொழில்நுட்பத்தைப் பயன்படுத்தி செங்கற்களை கண்டுபடித்துள்ளார். இதற்கு பிளாஸ்டோன் பிளாக் என்று பெயரிட்டுள்ளார். ஒரு பிளாஸ்டோன் கல் தயாரிக்க 300 பிளாஸ்டிக் பைகள், 6 பிளாஸ்டிக் பெட் பாட்டில்கள் பயன்படுத்தப்படுகிறது. இதன் மூலம் பிளாஸ்டிக் பயன்படுத்தப்படு கீழே வீசி எறிவது தடுக்கப்பட்டு அவை மறுசுழற்சியில் செங்கல்லாக மாற்றப்படுகிறது.
ஹைட்ரோ கார்பன் அகழாய்வு

ஹைட்ரோ கார்பன் அகழாய்வு

தமிழகத்தின் 3 இடங்கள் உட்பட நாடு முழுவதும் 55 இடங்களில் ஹைட்ரோ கார்பன் எடுப்பதற்கான ஒப்பந்தம் மத்திய பெட்ரோலிய அமைச்சர் தர்மேந்திர பிரதான் முன்னிலையில் டெல்லியில் அக்டோபர் 01ல்  கையெழுத்தாகியுள்ளது. இதில், தூத்துக்குடியின் ஸ்டெர் லைட் ஆலையை நடத்தும் வேதாந்தா நிறுவனத்துக்கு 41, ஆயில் இந்தியாவுக்கு 9, ஓஎன்ஜிசிக்கு 2, கெயில், பாரத் பெட்ரோ ரிசோர்ஸ், இந்துஸ்தான் ஆயில் எக்ஸ்ப்ளோரேஷன் கம்பெனி ஆகிய பொதுத் துறை நிறுவனங்களுக்கு தலா ஒரு இடங்கள் கிடைத்துள்ளன. மொத்தம் உள்ள 55 இடங்களில் நிலப் பகுதியில் 46, கடல் பகுதியில் 9 இடங்கள் அமைய உள்ளன. இவற்றில் 3 இடங்கள் தமிழகத்தில் உள்ளன. புதுச்சேரியின் காரைக்காலில் தொடங்கி தமிழகத்தில் விழுப்புரம், கடலூர், நாகப்பட்டினம் ஆகிய மாவட்டங்களை ஒட்டிய ஆழம் குறைந்த கடல் பகுதிகளில் ஹைட்ரோகார்பன் எடுக்க வேதாந்தாவுக்கு 2 இடங்கள் கிடைத்துள்ளன. இதுதவிர, பொதுத் துறை நிறு
மார்பக புற்றுநோய் விழிப்புணர்வு

மார்பக புற்றுநோய் விழிப்புணர்வு

பிங்க் மாதம்` என்று அழைக்கப் படும் அக்டோபர் மாதம் ஆண்டு தோறும் சர்வதேச மார்பகப் புற்று நோய் விழிப்புணர்வு மாதமாக அனுசரிக்கப்படுகிறது. இதையொட்டி, உலகிலேயே முதல்முறையாக அனிமேஷனுடன் கூடிய விழிப்புணர்வு வீடியோ கோவையில்  வெளியிடப்பட்டுள்ளது. இந்த வீடியோ கோவை ஸ்ரீராமகிருஷ்ணா புற்றுநோய் சிகிச்சை மற்றும் ஆராய்ச்சி மையம் சார்பில் உருவாக்கப்பட்டுள்ளது.
பண்டைய நாணயம் கண்டுபிடிப்பு

பண்டைய நாணயம் கண்டுபிடிப்பு

பழனி சண்முகநதி ஆற்றில் கொங்கு சேர மன்னர் கால நாணயம் கண்டுபிடிக்கப்பட்டு உள்ளது. இந்த  நாணயம் செம்பினால் ஆனது. இந்த நாணயம் ஒழுங்கற்ற வட்ட வடிவமாக உள்ளது. நாணயத்தின் ஒருபக்கத்தில் கொங்கு சேர அரசின் முத்திரை பொறிக்கப்பட்டு உள்ளது. இடது பகுதியில் வில்லும், அதற்கடுத்து யானையும், பனைமரமும் பொறிக்கப்பட்டுள்ளன. இந்த அடையாளங்கள் பண்டைய சேர அரசின் முத்திரைகளாகும். நாணயத்தின் மேல்பகுதியில் மங்களவிளக்கு உள்ளது. ஓரங்களில் 8 வட்டப்புள்ளிகள் உள்ளன. நாணயத்தின் மறுபக்கத்தில் பலிபீடத்தின் குறுக்காக வைக்கப்பட்ட 2 வாள்கள் உள்ளன. இடது மற்றும் வலது ஓரங்களில் மங்கள விளக்குகள் உள்ளன. மேலும் 9 வட்டப்புள்ளிகள் உள்ளன. சேர நாட்டையும் (தற்போதைய கேரளம்), தமிழகத்தின் கொங்கு பகுதிகளையும் ஆண்டு வந்த சேர மன்னர்கள் கொங்கு சேரர்கள் என்று அழைக்கப்பட்டனர். கொங்கு சேர மன்னர்களின் நாணயம் அரிதாகவே கிடைக்கின்றன. தற்போது க
ஒப்பந்தம்

ஒப்பந்தம்

தமிழ்நாட்டில் முதலமைச்சரின் விரிவான மருத்துவக் காப்பீட்டுத் திட்டத்துடன் மத்திய அரசின் பிரதான் மந்திரி ஜன் ஆரோக்யா யோஜனா (ஆயுஷ்மான் பாரத்) திட்டத்தை ஒருங்கிணைந்து செயல்படுத்த புரிந்துணர்வு ஒப்பந்தம் செப்டம்பர் 11இல் கையெழுத்தானது.  
சிறப்பு முதலீட்டு மண்டலம்

சிறப்பு முதலீட்டு மண்டலம்

கிருஷ்ணகிரி மாவட்டம் தேன்கனிக்கோட்டை மற்றும் சூளகிரி வட்டங்களில் 2100 ஏக்கர் பரப்பளவில், டிட்கோ மற்றும் ஜி.எம்.ஆர் இன்ப்ராஸெட்ரக்சர்ஸ் லிமிடெட் (G.M.R.) நிறுவனங்கள் இணைந்து அமைக்க உள்ள GMR கிருஷ்ணகிரி சிறப்பு முதலீட்டு மண்டலத்திற்கு காணொலிக் காட்சி மூலம் முதல்-அமைச்சர் எடப்பாடி பழனிசாமி அடிக்கல் நாட்டியுள்ளார்.
ஆய்வு மையம்

ஆய்வு மையம்

சென்னை பல்கலைக்கழகத்தின் 160வது ஆண்டு விழா மற்றும் டாக்டர் எம்ஜிஆர் நூற்றாண்டு விழாவைக் குறிக்கும் வகையில்  டாக்டர் எம்ஜிஆர் நூற்றாண்டு சமூக வளர்ச்சி ஆய்வு மையம் ரூ.5 கோடியில் நிறுவப்படும் என  தமிழக முதல்வர் அறிவித்துள்ளார். இந்த மையத்தின் மூலம் எம்ஜிஆரின் முன்னோடி திட்டங்களான சத்துணவு திட்டம், கல்வி, சுகாதாரம், மகளிர் வளர்ச்சி தொடர்பான திட்டங்கள் குறித்து கற்பித்தல், ஆராய்ச்சி மற்றும் விரிவாக்க நடவடிக்கைகள் மேற்கொள்ளப்படும் என கூறியுள்ளார்.
error: Content is protected !!